434 Elekeza Moyo Wako Kwa Mungu Ili Uhisi Kupendeza Kwake
1 Ikiwa unaweza kutia ukweli katika vitendo kiasi cha kumridhisha Mungu, basi moyo wako utamgeukia Mungu. Kadiri utakavyozidi kumwomba Mungu na kuwasiliana kwa karibu na Mungu, ndivyo utakavyozidi kugundua kile kinachopendeka kumhusu. Ikiwa, ndani kabisa, uko radhi kwa kweli kumridhisha Mungu, basi Atakutwika mzigo Wake, na kisha utapata upambanuzi hata zaidi wa kupendeza Kwake kukuu. Hii itakuwezesha kumpenda Mungu kwa moyo wako wote, na utahisi ndani yako kabisa kwamba Yeye ni wa kupendeka. Mara utakapoweza kumpenda Mungu kwa dhati, utahisi kupendeza Kwake zaidi na zaidi—na vile vile kustahili Kwake upendo wa binadamu—na kisha utaweza kumtii na kumwabudu kwa hiari.
2 Wakati huo, utaweza kupendezwa na Mungu ndani kabisa ya moyo wako; utataka kuimba sifa Zake na kutoa sifa nyingi mno za shukrani juu Yake. Unapokuwa ukimsifu sana kutoka ndani kabisa ya nafsi yako, hakuna mtu atakayeweza kukuzuia. Utakapohisi jinsi Mungu anavyopendeka kabisa, shukrani zako na upendezwaji wako Kwake vitakua zaidi na zaidi, na kisha utakuwa na dhana na mawazo yasiyofaa machache zaidi na zaidi kumhusu; kisha Shetani ataacha kuwa na fursa za kufanya kazi ndani yako. Utakapofika hapa, utakuwa umeondokana kabisa na ushawishi wa Shetani wa kifo, na moyo wako utakombolewa kabisa na kuwa huru.
Umetoholewa kutoka kwa ushirika wa Mungu
