Mei Jie Jijini Jinan, Mkoani Shandong

Hivi karibuni kanisa lilitoa mpangilio wa kazi likihitaji viongozi wa kanisa katika ngazi zote kuanzisha mbia (mfanyikazi mwenza kufanya kazi pamoja nao). Wakati huo, nilifikiri kwamba huu ulikuwa mpangilio mzuri. Nilikuwa wa ubora wa tabia wa chini na nilikuwa na kazi nyingi; kwa kweli nilihitaji mbia wa kunisaidia kukamilisha kila aina ya kazi kanisani.

Kwa hiyo, mimi na dada aliyekuwa mbia wangu tulianza kufanya kazi ya uchungaji katika kanisa pamoja. Lakini polepole, nikaona kuwa hakuwa akifanya kila aina ya vitu kulingana na mapenzi yangu, na upinzani ulianza moyoni mwangu: Ingawa mimi ni mwenye shughuli nyingi kiasi ninapofanya kazi mwenyewe, ni sawa, na kupangia mbia kweli kutakuwa mabishano. Ikiwa nitamruhusu kufanya kazi fulani na sio bora, basi afadhali niifanye mwenyewe. Nisipomruhusu afanye kazi hiyo, haidhuru, yeye ni mbia wangu. … Kwa hiyo, upinzani zaidi ulikua moyoni mwangu, hadi wakati mmoja, sikuweza kuuzuia tena na nikamsirikia: “Unawezaje kuwa mjinga kiasi hicho? Umekuwa kiongozi kwa miaka mingi, inawezekanaje bado hufanyi kazi nzuri? Kwa nini huwezi kamwe kuelewa, au kujibu? …” Baada ya kumaliza, nilihisi vibaya, mwenye hatia sana. Nilifikiria moyoni: Je, hali yangu si sahihi? Kwa hiyo nilikuja mbele ya Mungu kwa kuomba, na kuona maneno ya Mungu yaliyosema: “Matakwa mnayohitaji kutimiza leo—kufanya kazi pamoja kwa upatanifu—ni sawa na huduma ambayo Yehova alitaka kutoka kwa Waisraeli: Vinginevyo, acheni tu kufanya huduma. Kwa sababu ninyi ni watu wanaomhudumia Mungu moja kwa moja, angalau lazima muweze kuwa waaminifu na watiifu katika huduma yenu, na pia lazima muweze kupata mafunzo kwa njia ya utendaji. … Hata hamchunguzi ama kuingia katika mafunzo ya utendaji ya aina hii, lakini bado mnazungumza kuhusu kumhudumia Mungu! … Msipojifunza kutoka kwa kila mmoja, msaidiane, na kufidiana dosari zenu mnapofanya kazi makanisani, basi mnawezaje kupata mafunzo yoyote? Wakati wowote mnapokabiliwa na chochote, mnapaswa kufanya ushirika ninyi kwa ninyi ili maisha yenu yaweze kufaidika” (Neno, Vol. 1. Kuonekana na Kazi ya Mungu. Hudumu Jinsi Waisraeli Walivyohudumu). Kisha nikaona mambo haya katika mahubiri: “Kuna watu wengine ambao hawawezi kushirikiana na mtu mwingine wanapotekeleza wajibu wao. Hakuna mtu anayeweza kuwakaribia; hii inaonyesha kiburi na majivuno yao, kuwa hawana ubinadamu na hisi yoyote, hawajijui wenyewe, na wanawadharau wengine. Je, si hili ni la kuhurumiwa? Tabia ya mwanadamu wa aina hii haibadiliki hata kidogo, na si rahisi kusema kama anaweza kuokolewa na Mungu. Watu ambao wanajijua kwa kweli wanaweza kuwatendea watu wengine kwa usahihi bila kuwakosoa sana. Wanaweza pia kuwasaidia na kuwafadhili wengine kwa ustahamilivu, kuwafanya watu wahisi kuwa ni mahabubu na wapendwa; wanaweza kuwa na mahusiano yanayofaa na wengine. Wao ni watu wenye ubinadamu, na watu wenye ubinadamu tu ndio wana moyo wa ibada kwa Mungu, wanaweza kuishi kwa upatanisho na wengine, na kutekeleza wajibu wao vya kutosha” (Ushirikiano Kutoka kwa wa Juu). Kutoka kwa yale maneno ya Mungu na haya kutoka kwa mahubiri, nilijichunguza kwa makini na kuona kuwa sikuwa nimeelewa mapenzi ya Mungu katika nyumba ya Mungu kupanga wabia kwa ngazi zote za viongozi. Hata zaidi, sikuwa nimeweka katika matendo au kuingia katika ukweli wa uratibu wenye upatanifu. Sababu moja ya nyumba ya Mungu kupanga wabia kwa ajili yetu ni kwa sababu ubora wetu wa tabia ni wa chini sana, na ufahamu wetu wa vipengele vyote vya ukweli ni finyu sana. Hatuwezi kuikabili kazi yote kanisani pekee yetu. Kwa msaada wa mbia, tunaweza kukamilisha kazi ya kanisa vyema zaidi. Sababu nyingine ni kwamba kwa sababu asili zetu ni zenye kiburi sana, tukiwa na cheo tunataka kuwa na mamlaka na kuwa na uamuzi wa mwisho katika mambo. Kwa uangalizi na kizuizi cha mbia, aina hiyo ya huduma ya udikiteta, isiyochagua kwa busara na isiyojali ambayo ingeweza kuiharibu kazi ya kanisa inaweza kuepukika Tunaweza pia kufanya mazoezi bora zaidi ya kuingia katika ukweli wa ubinadamu wa kawaida, ili tuweze kuwa na ushirika wa pande mbili na wabia, na kujifunza kutoka kwa kila mmoja. Hili ni la manufaa makubwa kwa kazi ya kanisa pamoja na uingiaji wa maisha yetu ya kibinafsi. Hii ilinifanya nione kuwa ushirikiano wenye upatanifu katika huduma yetu ni ya muhimu sana kwa kazi ya kanisa na uingiaji wa maisha yetu ya kibinafsi! Lakini sikuwa nimetafuta mapenzi ya Mungu hata kidogo kwa hili. Sikuwa makini kwa masomo ya utendaji ambayo ningeweza kujifunza kupitia uratibu huu. Nilifanya kazi naye tu kwa kutotaka kwa sababu ya utaratibu wa kanisa, na mara tu dada huyu hakufanya mambo machache vizuri, nilimkemea na kupatwa na hasira. Daima nilihisi kuwa hakuwa na uwezo kama nilivyokuwa nao mimi, na sikuona uwezo wake na faida. Hata nikapinga utaratibu wa kanisa. Kwa kweli nilikuwa mwenye kiburi sana, nisiyejijua, na sikuwa na ubinadamu wa kawaida hata kidogo au mantiki, na hata zaidi sikuwa na moyo wa uchaji kwa Mungu kabisa, na sikustahili kutoa huduma mbele ya Mungu.

Ee Mungu! Ufunuo wako uliniwezesha kutambua kutoweza kwangu kuratibu kwa upatano, kiburi changu na upande wangu wa kusikitisha katika huduma Kwako. Kuanzia siku hii na kuendelea mbele, niko tayari kudumisha moyo wa uchaji Kwako, kutojitetea tena, na katika vitu vyote kusisitiza maslahi ya kanisa. Katika uratibu wa huduma nitawasaidia wengine na kujifunza kutoka kwa wengine. Nitalenga kuingia kwangu mwenyewe katika ukweli, na kutafuta hivi karibuni kuwa mtu mwenye ukweli na ubinadamu ambaye ni wa kufaa kukutumiwa na Wewe.