Sura ya 39

Fungueni macho yenu na muangalie, na mnaweza kuona nguvu Zangu kuu kila mahali! Mnaweza kuwa na uhakika na Mimi kila mahali. Ulimwengu na anga vinaeneza nguvu Zangu kuu. Maneno ambayo Nimenena yametimia katika ongezeko la joto la hali ya hewa, katika mabadiliko ya hali ya hewa, katika ukosefu wa ukawaida ndani ya watu, katika ulemavu wa elimumwendo ya kijamii, na katika udanganyifu ulio mioyoni mwa watu. Jua linakuwa jeupe na mwezi unakuwa mwekundu; vyote haviko katika usawa. Je, kweli bado hamuoni mambo haya?

Nguvu kuu ya Mungu inafichuliwa katika haya. Ni bila shaka, Yeye ni Mungu mmoja wa kweli—Mwenyezi—ambaye watu wamemwandama kwa miaka mingi! Nani anayeweza kufanya vitu viwepo kwa kunena maneno tu? Mwenyezi Mungu wetu pekee. Punde Anapozungumza, ukweli huonekana. Unawezaje kukosa kusema kwamba Yeye ni Mungu wa kweli?

Najua moyoni kwamba ninyi nyote mko tayari kushirikiana na Mimi, na Ninaamini kwamba wateule Wangu, ndugu Zangu wapendwa wote wana matarajio ya aina hii, lakini hamwezi kabisa kuingia au kutenda kwa kweli, na hamwezi kusalia watulivu na wanyamavu mnapokuwa mkikabiliwa na tukio la hali halisi. Hamyajali kamwe makusudi ya Mungu, na mnaweka maslahi yenu wenyewe kwanza na kutenda ninyi wenyewe bila kusubiri. Hebu Niwaambie, njia hii haitaridhisha nia Zangu kamwe! Mwana! Nipe tu moyo wako kabisa. Kuwa wazi! Sitaki fedha zako, au mali yako, na wala Sitaki uje mbele Yangu kunitumikia kwa bidii, kwa udanganyifu au kwa akili finyu. Kuwa mtulivu na mwenye moyo safi, subiri na utafute matatizo yanapotokea, nami Nitakupa jibu. Usiwe na shaka! Kwa nini huamini kamwe maneno Yangu kuwa ya kweli? Kwa nini huwezi kuamini katika maneno Yangu? Wewe ni mkaidi kwa kiwango kikubwa mno na hata kwa wakati kama huu wewe bado uko namna hii; wewe ni mjinga sana, na hujapata nuru kabisa hata kidogo! Je, ni kiasi gani cha ukweli muhimu sana ambacho unakumbuka? Je, umeupitia kweli? Unatatanishwa na kutenda kiholela na kwa haraka unapokumbana na matatizo! Jambo kuu leo ​​ni kwamba mwingie katika roho na kufanya ushirika na Mimi zaidi, kwa njia hiyo hiyo mioyo yenu wenyewe hutafakari maswali mara kwa mara. Je, mnaelewa? Hili ni muhimu! Kutenda kulikochelewa kwa kweli ni tatizo. Harakisheni, na msichelewe! Watu wanaosikia maneno Yangu na wasichelewe bali wayatende mara moja watabarikiwa sana! Nitawapa maradufu! Msiwe na wasiwasi! Fanyeni kama Ninavyosema, bila kuchelewa hata sekunde moja! Fikira zenu zenu za kibinadamu mara nyingi huwa hivi, na ninyi mna uelekeo wa kuahirisha mambo, daima mkichelewesha kile kinachopaswa kufanywa leo hadi kesho. Ninyi ni wavivu na wasio waangalifu sana. Maneno hayawezi kuelezea jambo hilo! Mimi Sipigi chuku—huu ni ukweli. Kama huamini hili, basi jichunguze na iangalie kwa makini hali yako mwenyewe, na utagundua kwamba hivi ndivyo ilivyo kweli!

Iliyotangulia: Sura ya 38

Inayofuata: Sura ya 40

Ulimwengu umezongwa na maangamizi katika siku za mwisho. Je, hili linatupa onyo lipi? Na tunawezaje kulindwa na Mungu katikati ya majanga?

Maudhui Yanayohusiana

Mbona Huna Hiari ya Kuwa Foili?

Wale ambao wanashindwa ni foili[a], na ni baada tu ya kukamilishwa ndipo watu huwa vielelezo na mifano ya kazi ya siku za mwisho. Kabla ya...

Sisitiza Uhalisi Zaidi

Kila mtu ana uwezekano wa kukamilishwa na Mungu, kwa hiyo kila mtu anapaswa kuelewa ni huduma gani kwa Mungu ndiyo inayolingana zaidi na...

Mipangilio

  • Matini
  • Mada

Rangi imara

Mada

Fonti

Ukubwa wa Fonti

Nafasi ya Mstari

Nafasi ya Mstari

Upana wa ukurasa

Yaliyomo

Tafuta

  • Tafuta Katika Maneno Haya
  • Tafuta Katika Kitabu Hiki