Tunawakaribisha wote wanaotafuta ukweli wawasiliane nasi.

Sababu ya Kweli ya Kazi Isiyofaa

0

Xinyi Mji wa Xi’an, Mkoa wa Shaanxi

Katika ziara zangu za karibuni kwa makanisa, mara nyingi niliwasikia viongozi na wafanyakazi wakisema kwamba watu wengine, baada ya kuhudhuria ushirika na mimi, waligeuka hasi, wanyonge na walikosa motisha ya kuendelea kutafuta. Wengine walisema ilikuwa vigumu sana kumwamini Mungu na walimwelewa Mungu visivyo. Wengine walisema kwamba hali zao zilikuwa nzuri kabla ya wao kukutana na mimi, lakini punde tu waliponiona, walihisi shinikizo kubwa mno na wasio na raha. … Niliposikia haya yote, nilihuzunika, na nilihisi kukosewa vibaya—kila wakati nilipokuja kushiriki na wao ningeishi kwa baadhi ya siku, na, ili kutatua shida zao, nilipitia na kudondoa kama mifano vifungu vingi vya neno la Mungu, nikizungumza hadi nilipokauka mdomo, na wakati huo wote nikifikiri kwamba juhudi zangu zilikuwa zimetoa matokeo mazuri. Sikuwahi kufikiri kwamba mambo yangegeuka kuwa hivi. Mbona hili lilifanyika. Niliweka swali hili katika mawazo yangu nilipomwomba Mungu, “Ee Mungu, hakika mimi ni mwenye makosa kwa ajili ya yote ambayo yamefanyika, lakini sijui nilikosea wapi. Naomba mwongozo Wako, ili niweze kutambua zaidi makosa yangu. Niko tayari kusubiri kupokea nuru Yako.”

Baada ya kumaliza sala yangu, nilianza kutafakari kuhusu ushirika na ndugu zangu: Walipoeleza masuala kuhusu mipango ya kazi ningechangua asili yao yenye kiburi na kueleza kinaganaga kuhusu matokeo ya kiburi, nikisema kwamba kiburi chote bila kuepukika kingekabiliwa na adhabu. Nilipoona kwamba matatizo yalikuwa yakiibuka katika mchakato wa uchaguzi, ningezungumza kuhusu jinsi kuchagua watu wasiofaa kungekatiza kuendelea kwa kazi ya kanisa na kuharibu maisha ya ndugu zetu. Kwa njia hii, Mungu angekuja kutuchukia na tungeondolewa. Nilipoona ndugu wakizembea kazini, ningeibua watu fulani waliokuwa wametimuliwa kama mfano. Ningewaambia kwamba walikuwa wanageuka kuwa wadanganyifu na kwamba hili lilikuwa sawa na kumsaliti Mungu. Kama hawangebadili mienendo yao, jaala yao ingekuwa sawa na watu waliokuwa wameshindwa. Wakati hawakutaka kueneza injili, ningejadili jinsi matendo kama hayo yaliasi dhidi ya na kumpinga Mungu. … Ee Mungu! Nilikuwa nikitumia ukweli katika hali gani ili kutatua matatizo yao? Nilikuwa nikitumia tishio kabisa! Chini ya mwongozo wa Mungu, niliwaza kuhusu kifungu kifuatacho kutoka kwa mahubiri, “Huduma inayolingana na mapenzi ya Mungu inahitaji kwamba katika vitu vyote na kuhusu masuala yote tunapaswa kumsifu Mungu, kutoa ushuhuda kwa Mungu, kuwasiliana kwa karibu mapenzi ya Mungu, kuwasiliana kwa karibu maombi ya Mungu, na kuwaruhusu wengine kutenda kwa mujibu wa neno la Mungu. Hatupaswi kuwafanya watu kutenda kulingana na kanuni, amri na misemo ya mwanadamu. Ushirika wako unapaswa kuwawezesha watu kuja mbele za Mungu na kutii mapenzi Yake, kutenda kulingana na neno la Mungu na, hatimaye, kuja kumjua Mungu na kumtii” (Ushirika kutoka kwa Aliye Juu). Wakati huo, nilipitia ufunuo wa ghafla. Mungu huwaaminia viongozi kazi ya kumsifu Mungu, kutoa ushuhuda kwa Mungu, kuwasiliana kwa karibu mapenzi na maombi ya Mungu, kuwaruhusu wengine kutenda kwa mujibu wa maombi ya Mungu na, hatimaye, kuja kumwelewa na kumtii Mungu. Katika kutatua masuala ya ndugu zangu, mimi, hata hivyo, nilizungumza mara chache kuhusu maombi ya Mungu, mapenzi Yake ama matamanio Yake. Pia nilitumia ukweli mara chache kuwasiliana kwa karibu kuhusu hali za ndugu zangu. Badala yake, bila huruma nilichangua asili yao na njia ambayo kwayo walitenda. Ningetaja matokeo yanayowezekana ya matendo yao ili kuwatisha kujijua. Hili lilisababisha ndugu zangu kutoweza kutambua mapenzi ya Mungu, kutokuwa na kujifahamu kwa kweli na kutoweza hata zaidi kuona nia yenye ari ya wokovu wa Mungu na upendo kwa wanadamu. Kutokana na hilo, waliishi katika hali za kila aina zisizo za kawaida. Ilikuwa hapo tu ndipo nilitambua kuwa nilikuwa nikitenda mambo katika uaminifu wa kijinga kwa tamaa zangu mwenyewe. Nilikuwa nikimpinga Mungu! Kuwaongoza ndugu zangu kwa njia hii, sio tu kwamba sikuweza kuwasaidia kumwelewa na kumtii Mungu, kwa kweli nilikuwa nikiwasababisha kuelewa visivyo na kuingia katika mgongano zaidi na Mungu. Kwa njia hii, walitengana na Mungu zaidi na zaidi na kutenda dhambi zaidi. Licha ya ukweli kwamba nilitatua masuala ya ndugu zangu kulingana na neno la Mungu na kila kitu nilichosema kilikuwa kweli, kwa kweli, sikuwa nikifanya kazi kwa njia ya kutoa maoni yanayosaidia. Kwa kweli, kile nilichokuwa nikifanya kilikuwa bure kabisa. Njia hii ya kufanya kazi ingekuwa ya uharibifu mkubwa kwa kazi ya kanisa. Ilikuwa hapo ndipo nilitambua kwamba njia nzuri zaidi ya kuwasaidia ndugu zangu ilikuwa kuwaruhusu kuelewa mapenzi ya Mungu kupitia neno la Mungu, kutambua nia yenye ari ya wokovu wa Mungu, kupata kujua kiini cha asili yao wenyewe na, kwa kufanya hivyo, kujifunza kujichukia wenyewe, kutenda kulingana na maombi ya Mungu na, hatimaye, kupata kujua na kumtii Mungu. Hii ndiyo maana ya kweli ya huduma kulingana na mapenzi ya Mungu na huduma ya aina hii tu ndiyo inafikiri mapenzi ya Mungu.

Namshukuru Mungu kwa kunionyesha sababu ya kweli mbona kazi yangu ilikuwa isiyofaa. Baadaye, kwa fahamu nilifanya kazi kuwasiliana kwa karibu mapenzi na matakwa ya Mungu kulingana na hali za ndugu zangu. Nilijadiliana mbona Mungu aliwataka watende kwa njia Aliyotaka, jinsi nia Zake zenye ari zilidhihirika katika maisha yao na ni matokeo ya aina gani Alitarajia kuwa nayo. Pia nilijadili jinsi wangefanya kazi na Mungu ili kuwa katika kukubaliana na mapenzi Yake. … Baada ya kuwasiliana kwa karibu hivi, niliona baraka za Mungu kwa kweli: Ndugu zangu walianza kuelewa mapenzi ya Mungu na kushuhudia wokovu wa Mungu. Walipata kuelewa kwamba gharama ambayo Mungu amelipa kwa ajili ya watu wote ni isiyoweza kufahamika. Walianza kuelewa asili yao asi, walikuwa tayari kutafuta ukweli na walihisi kutiwa hamasa kutimiza wajibu wao.

Ukweli ulivyojifichua, nilikuwa na hisia ya kina ya asili ya kweli kabisa ya upendo wa Mungu. Nilipofanya kazi kulingana na mapenzi yangu mwenyewe, nikimpinga Mungu katika huduma yangu Kwake, Mungu mara moja alifichua upungufu na kasoro yangu na Akasahihisha makosa yote katika kazi yangu. La sivyo, kwa kweli sijui matendo yangu yangewaongoza ndugu zangu wapi au kwa muda upi ningekuwa nimewanasa. Mwenyezi Mungu, asante kwa kazi Yako halisi na ya kweli, ambayo iliniruhusu kuona matendo Yako ya ajabu na wokovu ambao Uliniletea. Kuanzia sasa kuendelea, naapa kuwa mwenye kushika sana ukweli na kufanya kazi kwa bidii zaidi ili kutimiza matakwa Yako, ili kutafuta na kuelewa mapenzi Yako na kutimiza uwezo wa kufanya kazi kulingana na tamanio Lako katika vitu vyote, kutekeleza huduma kwa mujibu wa mapenzi Yako.

Maudhui Yanayohusiana

  • Ufahamu Kiasi Kuhusu Kuokolewa

    Baada ya kusoma hili, nilihisi kama kwamba nilikuwa nikiamka kutoka ndotoni. Kwa hiyo, kuokolewa na Mungu hakukuwa rahisi kama nilivyokuwa nimefikiri hata hivyo; inategemea watu kupitia kazi na maneno ya Mungu kila hatua ya njia, kukubali kuadibu na hukumu ya Mungu, ushughulikiaji na upogoaji, pamoja na kupitia machungu ya kila aina ya maudhi na kero. Ili waweze kufikia ufahamu halisi wa tabia zao potovu na hatua kwa hatua kujiondolea upotovu, na hatimaye waweze kutegemea maneno ya Mungu na kutegemea ukweli kumshinda Shetani na kuvuka mipaka ya nguvu za giza katika kila aina ya mazingira. Kufikia matokeo haya tu ndio kuokolewa na Mungu kwa kweli.

  • Mazungumzo Mafupi Kuhusu Chanzo cha Giza na Uovu wa Dunia na Uovu

    Yang Le Mji wa Wuhai, Eneo Huru la Mongolia la Ndani Nilipokuwa bado shuleni, baba yangu alikuwa mgonjwa na akafa. Baada ya kufa, wajomba wa pande zo…

  • Ni Kwa Kuuelewa Ukweli tu Ndio Mtu Anaweza Kuwa na Utambuzi

    Ee Mungu! Ninatoa shukurani kwa ajili ya ufunuo Wako na kupata nuru ambavyo vilinifanya nione ufukara wangu mwenyewe, upofu na jinsi nilivyokuwa wa kusikitisha, vilivyonifanya kutambua kwamba bila ukweli, mtu hawezi kuelewa kabisa kiini cha suala hili, badala yake akidanganywa tu na sura ya nje. Ni kwa kuelewa ukweli tu, mtu anapoweza kufanya kazi muhimu vyema.

  • Ninapata njia ya kumjua Mungu

    Ee Mungu! Asante kwa kufichua na kugeuza njia yangu mbaya ya kujua na kunifanya kuona njia ya kumjua Mungu. Kuanzia sasa kuendelea, nitatamani kusoma neno Lako, kutafakari neno Lako, kutafuta kuelewa furaha na huzuni Zako kwa njia ya neno Lako, na kwa kutambua zaidi kupendeza kwako nipate kukujua Wewe hata zaidi.