Tunawakaribisha wote wanaotafuta ukweli wawasiliane nasi.

Ushuhuda kwa Kristo wa Siku za Mwisho

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

10. Mtu kutekeleza wajibu wake ni nini?

Maneno Husika ya Mungu:

Kutimiza wajibu wako katika nyumba ya Mungu sio tu kutimiza masharti fulani au kufanya kitu unachopaswa kufanya. Huu ni wajibu wako na jukumu lako, na jukumu hili ndilo jukumu lako la kweli. Hilo ndilo wajibu na jukumu unalotimiza mbele ya Muumba. Linganisha kutimiza wajibu wa kiumbe aliyeumbwa na kuwa na upendo kwa wazazi wako—ni kipi ndicho ukweli? Kutimiza wajibu wa kiumbe aliyeumbwa ndio ukweli; ni wajibu wako unaotarajiwa kutimiza.

Umetoholewa kutoka katika “Uhalisi wa Ukweli ni Nini?” katika Kumbukumbu za Maongezi ya Kristo

Wajibu wako hausimamiwi na wewe—siyo shughuli yako au kazi yako mwenyewe; badala yake, ni kazi ya Mungu. Kazi ya Mungu inahitaji ushirikiano wako, ambao huibua wajibu wako. Sehemu ya kazi ya Mungu ambayo mwanadamu lazima ashirikiane nayo ni wajibu wake. Wajibu huo ni sehemu ya kazi ya Mungu—siyo shughuli yako, siyo masuala yako ya nyumbani wala masuala yako ya binafsi maishani. Wajibu wako uwe wa kushughulikia masuala ya ndani ama nje, ni kazi ya nyumba ya Mungu, ni sehemu moja ya mpango wa Mungu wa usimamizi, na ni agizo ambalo Mungu amekupa. Siyo shughuli yako binafsi. Hivyo basi, unapaswa kuchukulia vipi wajibu wako? ...

Haijalishi ni wajibu upi unaotimiza, lazima utafute kushika mapenzi ya Mungu na kuelewa mahitaji Yake ni yapi kuhusiana na wajibu wako; ni hapo tu ndipo utaweza kushughulikia mambo kwa njia ya maadili. Katika kutekeleza wajibu wajo, huwezi kabisa kufuata upendeleo wako binafsi, kwa kufanya chochote ambacho ungependa kufanya, chochote ambacho unngefurahia na kuridhika unapokifanya au chochote ambacho kingekufanya uonekane kuwa mzuri. Ukimlazimishia kwa nguvu upendeleo wako kwa Mungu au kuutenda kama kwamba ni ukweli, ukiyafuata kana kwamba ni kanuni za ukweli, basi huko si kutekeleza wajibu wako, na kutekeleza wajibu wako kwa njia hakutakumbukwa na Mungu.

Umetoholewa kutoka katika “Unaweza tu Kutekeleza Wajibu Wako Vizuri kwa Kutafuta Kanuni za Ukweli?” katika Kumbukumbu za Maongezi ya Kristo

6. Unapaswa kufanya yale yanayopaswa kufanywa na mwanadamu, na kutenda wajibu wako, na kutimiza majukumu yako, na kushikilia jukumu lako. Kwa sababu unaamini katika Mungu, unapasa kutoa mchango wako kwa kazi ya Mungu; kama huwezi, basi wewe hufai kula na kunywa maneno ya Mungu, na hufai kuishi katika nyumba ya Mungu.

Umetoholewa kutoka katika “Amri Kumi za Utawala Ambazo Lazima Wateule wa Mungu katika Enzi ya Ufalme Wazitii” katika Neno Laonekana katika Mwili

Mwanadamu kufanya wajibu wake ni, kwa uhakika, kutimiza yote yaliyo ya asili yake, yaani, yale yawezekanayo kwa mwanadamu. Hapo ndipo wajibu wake hutimizika. Dosari za mwanadamu wakati wa huduma ya mwanadamu hupunguzwa taratibu kupitia kwa uzoefu uongezekao na mchakato wa uzoefu wake wa hukumu; hayazuii au kuathiri wajibu wa mwanadamu. Wanaoacha kutoa huduma au kuzalisha na kurudi nyuma kwa kuogopa makosa yanayoweza kuwepo katika huduma ndio waoga zaidi miongoni mwa wanadamu wote. Ikiwa mwanadamu haonyeshi anachopaswa kuonyesha wakati wa kutoa huduma au kutimiza kile kilicho katika uwezo wake kiasili, na badala yake huzembea na kufanya tu bila ari yoyote, atakuwa amepoteza majukumu yake ambayo kiumbe anapaswa kuwa nayo. Mwanadamu kama huyu anachukuliwa kuwa mtu hafifu na duni apotezaye nafasi; itakuaje kwamba mtu kama huyu aitwe kiumbe? Je, hao si ni vyombo vya upotovu ving’aavyo kwa nje ila vimeoza kwa ndani?

Umetoholewa kutoka katika “Tofauti Kati ya Huduma ya Mungu Mwenye Mwili na Wajibu wa Mwanadamu” katika Neno Laonekana katika Mwili

Hakuna uhusiano kati ya wajibu wa mwanadamu na endapo amebarikiwa au amelaaniwa. Wajibu ni kile ambacho mwanadamu anapaswa kutimiza; ni wajibu wake na hautegemei fidia, masharti, au sababu. Hapo tu ndipo huko kutakuwa kufanya wajibu wake. Mwanadamu aliyebarikiwa hufurahia wema baada ya kufanywa mkamilifu baada ya hukumu. Mwanadamu aliyelaaniwa hupokea adhabu tabia yake isipobadilika hata baada ya kutiwa adabu na kuhukumiwa, yaani, hajakamilishwa. Kama kiumbe, mwanadamu anapaswa kutimiza wajibu wake, afanye anachopaswa kufanya, na afanye anachoweza kufanya, bila kujali kama atabarikiwa au kulaaniwa. Hili ndilo sharti la msingi kwa mwanadamu, kama anayemtafuta Mungu. Usifanye wajibu wako ili ubarikiwe tu, na usikatae kutenda kwa kuogopa kupata laana. Acha Niwaambie hiki kitu kimoja: Ikiwa mwanadamu anaweza kufanya wajibu wake, inamaanisha kuwa anafanya anachopaswa kufanya. Ikiwa mwanadamu hawezi kufanya wajibu wake, inaonyesha uasi wake.

Umetoholewa kutoka katika “Tofauti Kati ya Huduma ya Mungu Mwenye Mwili na Wajibu wa Mwanadamu” katika Neno Laonekana katika Mwili

Madondoo ya Mahubiri na Ushirika kwa ajili ya Marejeo:

Hivyo basi, kila mtu anapaswa kutekeleza wajibu gani? Wajibu ambao kila mtu anapaswa kutekeleza ni ukweli ambao kila mtu anapaswa kutenda, na ukweli unaopaswa kutekeleza ni wajibu unaopaswa kutekeleza, faradhi unayopaswa kutimiza. Ukitenda ukweli ambao unaufahamu na unapaswa kutenda, basi utakuwa umetimiza wajibu wako vizuri. Usipotenda ukweli, basi hutimizi wajibu wako. Unacheza cheza, unamdanganya Mungu, na wewe ni mzembe tu kwa Mungu. Hivyo, utendaji wa wajibu wako ni lazima uunganishwe na ukweli, unapaswa kuunganika kwa karibu na ukweli. Unapaswa kuweka katika vitendo ukweli wote ambao unaelewa na kuishi kwa kudhihirisha uhalisi wa ukweli. Kuishi kwa kuridhisha uhalisi wa ukweli ni uwakilishi wa sura ya kweli ya mwanadamu. Mungu alipomuumba mwanadamu, ilikuwa kwa msingi wa sura hii, hivyo ukiishi kwa kudhihirisha sura ya ukweli utamridhisha Mungu. Mungu atafurahi Akuangaliapo, Atakubariki, Atakupa maisha ya milele, Atakuruhusu uishi milele. Lakini iwapo huishi kwa kudhihirisha sura ya ukweli, basi hustahili kuitwa mwanadamu, na Mungu akuangaliapo, Atafikiri huna hali ya kiroho, na kwamba huna pumzi yoyote ya maisha ambayo Mungu amekupa. Ataamuru kwamba taka kama hiyo iondolewe. Hivyo, kutekeleza wajibu kwenyewe ni kutenda ukweli. Usipotenda ukweli unapotekeleza wajibu, basi hutekelezi wajibu wako kwa kweli. Unacheza cheza tu, kumdanganya Mungu, na kuwa mzembe kwa Mungu. Unafuata tu utaratibu. Hivyo, iwapo unamwamini Mungu, unapaswa kupitia na kutenda ukweli ambao Mungu amewapa wanadamu, na hatimaye unapaswa kuishi kwa kudhihirisha uhalisi wa neno la Mungu. Huku ni kutekeleza wajibu wako. … Iwapo ukweli hauhusishwi unapotekeleza wajibu wako, basi ni wa uongo, ni uzembe, ni wa uongo na wa kudanganya; unapitia tu urasmi, unafuata tu utaratibu. Ili kutekeleza wajibu wako kwa kweli, ni lazima utende ukweli unapoutekeleza wajibu, hii ni njia ya pekee ya kutekeleza wajibu wako kwa kiwango kilichowekwa, hii ni njia ya pekee kuwa mwanadamu kwa kweli. Na aina yoyote ya kazi unayofanya, inahusisha kutenda ukweli, na unapotenda ukweli unatimiza majukumu yako. Hii ni faradhi na wajibu wako, hivyo ni lazima utekeleze vizuri. Tunamaanisha hii kwa kutenda ukweli. Kwa hivyo uhusiano wa kweli kati ya kutekeleza wajibu wao na kutenda ukweli ni upi? Ni njia mbili tofauti ya kueleza kitu sawa. Kwa nje, inaonekana kama wajibu ukitekelezwa, lakini kiasili, ni ukweli unatendwa. Hivyo, iwapo huelewi ukweli unapotekeleza wajibu wako, utaweza kutekeleza kazi yako vizuri? Hutaweza. Kwanza kabisa, hutakuwa na ufahamu wazi wa maana ya kutekeleza wajibu wako, ama jinsi ya kutekeleza wajibu wako vizuri. Hutakuwa na ufahamu wazi wa mambo haya. Pili, siku itakuja ambapo una ufahamu wazi lakini bado utakosa kutekeleza wajibu wako vizuri, bado utakuwa na makosa mengi. Wakati huo, utagundua kwamba ubinadamu wako una dosari, kwamba unatenda makosa mengi katika mambo unayofanya, kwamba umejaa upotovu. Wakati huo utaanza kutafuta ukweli ili kuondoa upotovu huu, na punde utakapouondoa, utaanza kutekeleza wajibu wako kwa kufaa. Punde unapoondoa upotovu wako na kuufahamu ukweli, wakati huo utatekeleza wajibu wako kwa usahihi na vizuri, si kwa jina tu, lakini pia kwa uhalisi. Ukimiliki ukweli unapotekeleza wajibu wako, iwapo hakuna upotovu hata kidogo unaonyeshwa unapoutekeleza, basi matokeo yanayostahili yatatimizwa katika utendaji wako. Utakuwa pia umetekeleza wajibu wako kwa kiwango kilichowekwa. Huu ni kweli kabisa. Hivyo, wakati wowote unapotekeleza wajibu wako, jinsi unatafuta ukweli ni muhimu sana. Usipotafuta ukweli, basi ni hakikisho kwamba utendaji wa wajibu wako hautafikia kiwango kilichowekwa.

Umetoholewa kutoka katika “Ni Kama Tu Mtu Hutenda Ukweli katika Kufanya Wajibu Wake Ndipo Atapata Baraka ya Mungu” katika Mahubiri na Ushirika Kuhusu Kuingia Katika Maisha V

Iliyotangulia:Mtu anafaaje kutenda kuingia kuwa mtu mwaminifu?

Inayofuata:Kuna tofauti ipi kati ya mtu kutekeleza wajibu wake na kutoa huduma?

Maudhui Yanayohusiana

  • Mungu wa kweli aliyeziumba mbingu na ardhi na vitu vyote ni mmoja au watatu?

    Mungu ndiye mtawala wa vitu vyote, na anayeendesha vitu vyote. Aliumba vitu vyote, Anaendesha vitu vyote, na pia Anatawala vitu vyote na kukimu vitu vyote. Hii ndiyo hadhi ya Mungu, na utambulisho wa Mungu. Kwa vitu vyote na vyote vilivyopo, utambulisho wa kweli wa Mungu ni Muumbaji, na Mtawala wa vitu vyote. Huo ni utambulisho unaomilikiwa na Mungu, na ni wa kipekee miongoni mwa vitu vyote. Hakuna Kati ya viumbe wa Mungu—wawe miongoni mwa wanadamu, au katika ulimwengu wa kiroho—ambao wanaweza kutumia namna yoyote au kisingizio kuiga au kuchukua nafasi ya utambulisho wa Mungu na hadhi Yake, kwa kuwa kuna mmoja tu kati ya vitu vyote anayemiliki huu utambulisho, nguvu, mamlaka, na uwezo wa kutawala vitu vyote: Mungu wetu wa kipekee Mwenyewe.

  • Kwa nini inasemekana kwamba wachungaji wa kidini na wazee wa kanisa wote wanaitembea njia ya Mafarisayo? Ni nini asili yao?

    Tazama tu viongozi wa kila madhehebu—wote ni wa kujigamba na kujidai, na wanafafanua Biblia nje ya muktadha na kulingana na ubunifu wao wenyewe. Wote wanategemea zawadi na maarifa kufanya kazi yao. Kama hawangekuwa na uwezo wa kuhubiri chochote, wale watu wangewafuata? Wao, hata hivyo, wanamiliki ufahamu fulani, na wanaweza kuhubiri kuhusu mafundisho fulani, au wanajua jinsi ya kuwashawishi wengine na jinsi ya kutumia ustadi kadhaa. Wanatumia haya kuwaleta watu mbele yao wenyewe na kuwadanganya. Kwa jina, watu hao humwamini Mungu, lakini katika uhalisi wanafuata viongozi wao. Wakikutana na mtu akihubiri njia ya kweli, baadhi yao husema, “Lazima tutafute ushauri kwa kiongozi wetu imani.” Imani yao lazima impitie mwanadamu; hilo si tatizo? Viongozi hao wamekuwa nini, basi? Hawajakuwa Mafarisayo, wachungaji waongo, wapinga Kristo, na vikwazo kwa kukubali kwa watu njia ya kweli?

  • Kiongozi wa uongo au mchungaji wa uongo ni nini? Je, kiongozi wa uongo au mchungaji wa uwongo anaweza kutambuliwaje?

    Maneno Husika ya Mungu: Kazi katika akili ya mwanadamu inafikiwa kwa urahisi sana na mwanadamu. Wachungaji na viongozi katika ulimwengu wa kidini, kwa…

  • Kupata Mwili Ni Nini? Ni Nini Kiini cha Kupata Mwili?

    Maana ya kupata mwili ni kwamba Mungu Anajionyesha katika mwili, na Anakuja kufanya kazi miongoni mwa wanadamu wa uumbaji Wake katika umbo la mwili. Hivyo, ili Mungu kuwa mwili, ni lazima kwanza Apate umbo la mwili, mwili wenye ubinadamu wa kawaida; hili ndilo hitaji la kimsingi zaidi. Kwa kweli, maana ya kupata mwili kwa Mungu ni kwamba Mungu Anaishi na kufanya kazi katika mwili, Mungu katika kiini Chake Anakuwa mwili, Anakuwa mwanadamu.