6. Mtu mwaminifu ni nani? Kwa nini Mungu huwapenda watu waaminifu?

Maneno Husika ya Mungu:

Mnastahili kujua kwamba Mungu hupenda binadamu mwaminifu. Mungu ana kiini cha uaminifu, na kwa hivyo neno Lake siku zote linaweza kuaminika. Aidha, matendo Yake hayana dosari wala hayajadiliwi. Hii ndiyo maana Mungu anawapenda wale walio waaminifu kabisa Kwake. Uaminifu unamaanisha kumpa Mungu moyo wako; kutomdanganya katu katika kitu chochote; kuwa wazi Kwake katika mambo yote, kutowahi kuficha ukweli; kutowahi kufanya kile kinachowadanganya wale walio juu na kuwafumba macho wale walio chini; na kutowahi kufanya kile ambacho kinakupendekeza kwa Mungu. Kwa ufupi, kuwa waaminifu ni kujizuia dhidi ya uchafu katika matendo na maneno yenu, na kutomdanganya Mungu wala binadamu. … Baadhi hutenda kwa ustaarabu na huonekana hasa “wenye tabia nzuri” mbele ya Mungu, na bado wanakuwa waasi na wasiozuiliwa mbele ya Roho Mtakatifu. Je, mnaweza kumhesabu binadamu kama huyu miongoni mwa safu ya waaminifu? Kama wewe ni mnafiki na mmoja ambaye ni stadi katika kutangamana, basi Nasema kwamba bila shaka wewe ni mmoja ambaye humchezea Mungu. Kama maneno yako yamejaa visingizio na udhibitisho usio na thamani, basi Nasema kwamba wewe ndiwe ambaye huko radhi kabisa kuweka ukweli katika matendo. Kama wewe una siri nyingi usizotaka kutoa, na kama huko radhi kabisa kuweka wazi siri zako—yaani, ugumu wako—kwa wengine ili uweze kutafuta njia ya mwangaza, basi Ninasema kwamba wewe ni mmoja ambaye hatapokea wokovu kwa urahisi na ambaye hataweza kuibuka kutoka gizani kwa urahisi. Kama kutafuta njia ya ukweli kunakufurahisha vyema, basi wewe ni yule anayeishi kila mara katika mwangaza. Kama wewe unafurahia kuwa mtoa huduma katika nyumba ya Mungu, ukifanya kazi kwa bidii na kwa makini bila kuonekana, siku zote ukitoa na katu hupokei, basi Nasema kwamba wewe ni mtakatifu mwaminifu, kwani hutafuti tuzo na unakuwa tu binadamu mwaminifu. Kama uko radhi kuwa wazi, kama uko radhi kutoa kila kitu ulichonacho, kama una uwezo wa kujitolea maisha yako kwa ajili ya Mungu na kuwa shahidi, kama wewe ni mwaminifu hadi kwa kiwango ambapo unajua tu kumridhisha Mungu na si kujifikiria au kuchukua chochote kwa ajili yako, basi Nasema kwamba watu kama hao ndio wanaostawishwa na mwangaza na wataishi milele katika ufalme.

Umetoholewa kutoka katika “Maonyo Matatu” katika Neno Laonekana katika Mwili

Katika tabia za watu wa kawaida hakuna uhalifu au udanganyifu, watu wana uhusiano wa kawaida kati yao, hawafanyi mambo pekee yao, na maisha yao si duni wala ya kufifia. Kwa hiyo, vilevile, Mungu huinuliwa miongoni mwa wote, maneno Yake hupenya miongoni mwa wanadamu, watu huishi katika amani kati yao na chini ya utunzaji na ulinzi wa Mungu, dunia imejaa upatanifu, bila kuingilia kwa Shetani, na utukufu wa Mungu huwa na umuhimu mkuu sana miongoni mwa wanadamu. Watu kama hao ni kama malaika: watakatifu, wa kusisimua, wasiolalamika kamwe kuhusu Mungu, na hutoa juhudi zao zote kwa utukufu wa Mungu duniani pekee.

Umetoholewa kutoka katika “Sura ya 16” ya Ufafanuzi wa Mafumbo ya Maneno ya Mungu kwa Ulimwengu Mzima katika Neno Laonekana katika Mwili

Nawathamini sana wale wasio na shaka kuhusu wengine na pia nawapenda sana wale wanaokubali ukweli kwa urahisi; kwa aina hizi mbili za wanadamu Ninaonyesha utunzaji mkubwa, kwani machoni Pangu wao ni waaminifu.

Umetoholewa kutoka katika “Jinsi ya Kumjua Mungu Duniani” katika Neno Laonekana katika Mwili

Ufalme Wangu unawahitaji wale ambao ni waaminifu, wasio wanafiki, na wasio wadanganyifu. Je, si watu wenye moyo safi na waaminifu duniani hawapendwi na watu? Mimi ni kinyume kabisa cha jinsi ilivyo. Inakubalika kwa watu waaminifu kuja Kwangu; Nafurahia mtu wa aina hii, pia Ninamhitaji mtu wa aina hii. Hii ni haki Yangu hasa.

Umetoholewa kutoka katika “Sura ya 33” ya Matamko ya Kristo Mwanzoni katika Neno Laonekana katika Mwili

Kwamba Mungu huwataka watu wawe waaminifu inadhibitisha kwamba kweli Anachukia wale ambao ni wadanganyifu. Mungu hapendi watu wadanganyifu, ambayo inamaanisha kwamba Anachukia matendo, tabia na hata motisha zao; yaani, Mungu hapendi vile wanavyofanya vitu, na hivyo, ili kumfurahisha Mungu, lazima kwanza tubadili matendo yetu na njia ya kuwepo. Awali, tulitegemea uongo, kujifanya, na mambo yasiyo ya kweli kuishi miongoni mwa watu, tukitumia haya kama mtaji wetu na kama msingi wa uhai, maisha, na kanuni ambayo tulitumia kuishi. Hiki kilikuwa kitu ambacho Mungu alidharau. Miongoni mwa waumini wa dunia, ikiwa hujui jinsi ya kulaghai au kudanganya, basi itakuwa vigumu kwako kusimama imara. Utaweza tu kusema uongo, kujihusisha na hila na kutumia mbinu janja na zenye kudhuru kwa siri kujilinda na kujificha ili kupata maisha bora. Katika nyumba ya Mungu, ni kinyume kabisa: Kadri ulivyo mdanganyifu zaidi, ndivyo unavyotumia zaidi utawala wa kisasa kujifanya na kujionyesha usivyo, basi ndivyo una uwezo chini zaidi wa kusimama imara, na ndivyo zaidi Mungu huwadharau na kuwakataa watu kama hao. Mungu ameamua kabla kwamba ni watu waaminifu tu watakuwa na nafasi katika ufalme wa mbinguni.. Iwapo sisi si waaminifu, na iwapo, katika maisha yetu, matendo yetu hayaelekezwi katika kuwa waaminifu na hatufichui nyuso zetu binafsi za kweli, basi hatutakuwa na nafasi yoyote ya kupata kazi ya Mungu ama kupata sifa ya Mungu.

Umetoholewa kutoka katika “Vitendo vya Msingi Kabisa vya Kuwa Mtu Mwaminifu” katika Kumbukumbu za Maongezi ya Kristo

Madondoo ya Mahubiri na Ushirika kwa ajili ya Marejeo:

Inamaanisha nini kwa kweli kuwa mwanadamu mwaminifu? Kwanza, tunaweza kusema kwa uhakika kwamba mwanadamu mwaminifu ana dhamiri na ana akili, kwamba katika moyo wake anamtukuza Mungu, na kwamba anaweza kulipiza upendo wa Mungu. Pili, mwanadamu mwaminifu huongea kwa njia ya kimatendo na halisi. Hapotoshi ukweli, anazungumza kwa haki, na anawatendea watu kwa haki. Huyu ni mwanadamu mwaminifu. Tatu, mwanadamu mwaminifu humcha Mungu, hutenda ukweli na kumtii Mungu. Anamcha Mungu katika moyo wake na anaweza kutenda ukweli na kumtii Mungu. Mwanadamu wa aina hii ni mtu mwaminifu. Nne, mwanadamu mwaminifu hutekeleza wajibu wake kwa uaminifu. Ni mwaminifu kwa Mungu katika kila kitu anachofanya. Tano, mwanadamu mwaminifu humpenda Mungu katika moyo wake. Anaweza kufikiria mapenzi ya Mungu katika kila kitu. Sita, mwanadamu mwaminifu huishi kwa neno la Mungu. Anaweza kumwabudu Mungu kwa kweli. Mtu fulani anayeweza kumiliki sifa hizi za juu ni mwanadamu mwaminifu. Mungu anaridhika na kumfanya mtu huyu kuishi katika uwepo Wake kwa sababu huyu hasa ni aina ya mtu ambaye Anataka. Huyu hasa ni aina ya mtu ambaye Mungu anataka kumfanya kuwa kamili. Huyu hasa ni aina ya mtu ambaye Mungu anataka kuona. Mtu wa aina hii ni mtu mwaminifu.

Umetoholewa kutoka katika “Muhtasari wa Kuwa Mtu Mwaminifu” katika Mahubiri na Ushirika Kuhusu Kuingia Katika Maisha V

Kwa nini Mungu huwapenda watu waaminifu? Kwanza, watu waaminifu wanaweza kuelewana na wengine kwa amani; wanaweza kuwa marafiki wa karibu wa wengine. Hawakudanganyi, lakini wao hunena ukweli; unapojihusisha na watu wa aina hii, akili yako iko wazi, iliyofunguliwa na yenye amani. Pili, cha muhimu zaidi ni kwamba watu waaminifu ni wa kutumainiwa na kutegemewa; unaweza kuwaamini unapowaaminia kitu fulani au wanapokusaidia. Hii ndiyo sababu unahisi kupumzika, mtulivu, asiye na wasiwasi, na mwenye amani unaposhughulika na watu waaminifu; unahisi hisia ya faraja na raha. Ni wale tu ambao ni watu waaminifu ndio wanaweza kuwa marafiki wa karibu kwa wengine na kuaminiwa na wengine, kwa hiyo mtu mwaminifu pekee ndiye mfano wa kweli wa mwanadamu.

Umetoholewa kutoka katika “Kuelewa Ukweli Tu na Kutupa Ushawishi wa Shetani Ndiko Wokovu” katika Mahubiri na Ushirika Kuhusu Kuingia Katika Maisha VII

Iliyotangulia: 5. Mtu anawezaje kuanzisha uhusiano wa kawaida na Mungu?

Inayofuata: 7. Mtu mdanganyifu ni nani? Kwa nini watu wadanganyifu hawawezi kuokolewa?

Maudhui Yanayohusiana

4. Kwa nini Mungu hamtumii mwanadamu kufanya kazi Yake ya hukumu katika siku za mwisho lakini badala yake Yeye ni lazima apate mwili na kuifanya Mwenyewe?

Kazi ya hukumu ni kazi ya Mungu Mwenyewe, kwa hivyo lazima ifanywe na Mungu Mwenyewe kwa kawaida; haiwezi kufanywa na mwanadamu kwa niaba Yake. Kwa sababu hukumu ni kumshinda mwanadamu kupitia ukweli, hakuna shaka kuwa Mungu bado Anaonekana kama kiumbe aliyepata mwili kufanya kazi hii miongoni mwa wanadamu. Hiyo ni kumaanisha, wakati wa siku za mwisho, Kristo atautumia ukweli kuwafunza wanadamu duniani kote na kufanya ukweli wote ujulikane kwao. Hii ni kazi ya hukumu ya Mungu.

2. Kuna tofauti ipi kati ya maneno ya watu wanaotumiwa na Mungu kote katika enzi zote ambayo yanakubaliana na ukweli na maneno ya Mungu?

Ukweli ndio halisi zaidi katika methali zote za maisha, na ni mkuu kabisa kuliko methali hizo miongoni mwa wanadamu wote. Kwa sababu ni matakwa ambayo Mungu anayataka kwa mwanadamu, na ni kazi ambayo inafanywa na Mungu mwenyewe, hivyo inaitwa methali ya maisha. Sio methali iliyoundwa kutoka katika kitu fulani, wala si nukuu maarufu kutoka kwa mtu maarufu; badala yake, ni matamshi kwa mwanadamu kutoka kwa Bwana wa mbingu na nchi na vitu vyote, na sio maneno fulani yaliyotolewa na mwanadamu, bali ni maisha asili ya Mungu. Na hivyo unaitwa ni methali ya juu kabisa kupita methali zote za maisha.

2. Kwa nini inasemekana kwamba wachungaji wa kidini na wazee wa kanisa wote wanaitembea njia ya Mafarisayo? Ni nini asili yao?

Tazama tu viongozi wa kila madhehebu—wote ni wa kujigamba na kujidai, na wanafafanua Biblia nje ya muktadha na kulingana na ubunifu wao wenyewe. Wote wanategemea zawadi na maarifa kufanya kazi yao. Kama hawangekuwa na uwezo wa kuhubiri chochote, wale watu wangewafuata? Wao, hata hivyo, wanamiliki ufahamu fulani, na wanaweza kuhubiri kuhusu mafundisho fulani, au wanajua jinsi ya kuwashawishi wengine na jinsi ya kutumia ustadi kadhaa. Wanatumia haya kuwaleta watu mbele yao wenyewe na kuwadanganya. Kwa jina, watu hao humwamini Mungu, lakini katika uhalisi wanafuata viongozi wao. Wakikutana na mtu akihubiri njia ya kweli, baadhi yao husema, “Lazima tutafute ushauri kwa kiongozi wetu imani.” Imani yao lazima impitie mwanadamu; hilo si tatizo? Viongozi hao wamekuwa nini, basi? Hawajakuwa Mafarisayo, wachungaji waongo, wapinga Kristo, na vikwazo kwa kukubali kwa watu njia ya kweli?

5. Ni vipi Mungu huutawala na kuusimamia ulimwengu mzima?

Tangu Mungu alipoviumba, kulingana na sheria ambazo Aliziamua, vitu vyote vimekuwa vikitenda kazi na vimekuwa vikiendelea kukua kwa kawaida. Chini ya uangalizi Wake, chini ya kanuni Yake, vitu vyote vimekuwa vikiendelea kwa kawaida sambamba na kuendelea kuishi kwa binadamu. Hakuna kitu hata kimoja kinaweza kubadilisha sheria hizi, na hakuna hata kitu kimoja kinachoweza kuziharibu sheria hizi. Ni kwa sababu ya kanuni ya Mungu ndipo viumbe vyote vinaweza kuongezeka, na kwa sababu ya kanuni na usimamizi Wake ndipo vitu vyote vinaweza kuendelea kuishi. Hii ni kusema kwamba chini ya kanuni ya Mungu, viumbe vyote vinakuwepo, vinastawi, vinatoweka, na kuzaliwa upya kwa namna ya mpangilio.

Mipangilio

  • Matini
  • Mada

Rangi imara

Mada

Fonti

Ukubwa wa Fonti

Nafasi ya Mstari

Nafasi ya Mstari

Upana wa ukurasa

Yaliyomo

Tafuta

  • Tafuta Katika Maneno Haya
  • Tafuta Katika Kitabu Hiki