Tunawakaribisha wote wanaotafuta ukweli wawasiliane nasi.

Ushuhuda kwa Kristo wa Siku za Mwisho

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

Dibaji

Katika mwaka wa 1991, Mwenyezi Mungu mwenye mwili alionekana na kuanza kufanya kazi nchini China. Ameonyesha maneno milioni kadhaa, na amekuwa akifanya kazi ya hukumu ya siku za mwisho akianzia na nyumba ya Mungu. Amehitimisha Enzi ya Neema, akaanza Enzi ya Ufalme, na akaanzisha injili ya ufikaji wa ufalme wa mbinguni. Mwenyezi Mungu ameonyesha ukweli wote ili kuwatakasa na kuwaokoa wanadamu, akafungua kabisa ukurasa uliotiwa muhuri katika Kitabu cha Ufunuo katika Biblia, akafichua kabisa mafumbo ya mpango wa usimamizi wa miaka elfu sita wa jinsi Mungu anavyowaokoa wanadamu, kama vile ni nini kusudi la usimamizi wa Mungu wa wanadamu, kwa nini kuna hatua tatu katika wokovu wa Mungu wa wanadamu, jinsi Mungu anavyofanya kazi ya hukumu katika siku za mwisho, fumbo la kupata mwili, habari halisi ya Biblia, mamlaka ya pekee ya Mungu, tabia ya haki ya Mungu, utakatifu wa Mungu, jinsi Shetani huwapotosha wanadamu, jinsi Mungu awaokoavyo wanadamu, fumbo la kunyakuliwa kabla ya maafa, jinsi washindi hutengenezwa, hatima ya mwisho na mwisho wa aina mbalimbali za watu, jinsi ufalme wa Kristo utakavyofanikishwa, nk. Kwa hakika limeifungua upeo mpya na kuyafurahisha macho ya wanadamu! Mwenyezi Mungu anasema: “Nitawaambia hili wakati ambapo Nitafungua kitabu Changu katika siku za mwisho. (Kitabu kinahusu maneno yote ambayo Nimeyanena, maneno Yangu katika siku za mwisho—haya yote yako ndani yake)” (“Sura ya 110” ya Matamko ya Kristo Mwanzoni katika Neno Laonekana katika Mwili). “Kazi katika siku za mwisho inaonyesha wazi kazi ya Yehova na ile ya Yesu na mafumbo yote yasioeleweka na mwanadamu. Hii inafanywa ili kuonyesha hatima na mwisho wa binadamu na kukamilisha kazi yote ya wokovu miongoni mwa wanadamu. Hatua hii ya kazi katika siku za mwisho huleta kila kitu kufika mwisho. Mafumbo yote yasiyoeleweka na mwanadamu lazima yaelezwe ili kumpa mwanadamu ufahamu na kuweza kuelewa kwa kina katika mioyo yao. Hapo tu ndipo wanadamu wataweza kugawanywa kulinga na aina zao” (“Fumbo la Kupata Mwili (4)” katika Neno Laonekana katika Mwili). Maneno yanayoonyeshwa na Mwenyezi Mungu, Kristo wa siku za mwisho, ni mengi, ya faida, na ya kina, yakiwaruhusu wanadamu kuona kwamba Kristo bila shaka ndiye njia, ukweli, na uzima, na kwamba Yeye huwaletea wanadamu njia ya milele ya maisha, njia ya uzima wa milele.

Bwana Yesu alisema: “Kondoo wangu huisikia sauti yangu, na mimi Ninawajua, nao hunifuata” (Yohana 10:27). “Yeye aliye na sikio, na alisikie neno ambalo Roho aliyaambia makanisa” (Ufunuo 2:7). Mwenyezi Mungu asema: “Watu Wangu wataisikiliza sauti Yangu, na kila mmoja wa wale wanaonipenda kwa kweli atarudi mbele ya kiti Changu cha enzi” (“Sura ya 1” ya Maneno ya Mungu kwa Ulimwengu Mzima katika Neno Laonekana katika Mwili). Tangu kazi ya Mwenyezi Mungu ya siku za mwisho ianze nchini China, watu kutoka kwa dini na madhehebu mbalimbali ambao kwa kweli wanamwamini Mungu, kupenda ukweli, na wanatamani kuonekana kwa Mungu, wametambua sauti ya Mungu katika maneno yaliyosemwa na Mwenyezi Mungu. Wameona kwamba maneno ya Mwenyezi Mungu ndiyo ukweli, na kwa kweli ni kile ambacho Roho husema kwa makanisa, na kwamba Mungu ameonekana ili kufanya kazi Yake wakati wa siku za mwisho. Watu hawa wamekusanyika mbele ya kiti cha enzi cha Mungu. Siku hizi watu zaidi na zaidi duniani kote wanajitahidi kuchunguza maneno na kazi ya Mwenyezi Mungu. Jamii ya binadamu imeamshwa hatua kwa hatua katika maneno ya Mungu, na imeanza kuukubali ukweli na kuujua. Maneno ya Mungu yatawaleta wanadamu katika enzi mpya—Enzi ya Ufalme. Yote yatafanikishwa kwa maneno ya Mungu, na watu wote walio na kiu ya kweli na kutafuta kuonekana kwa Mungu watarudi mbele ya kiti cha enzi cha Mungu. Huu ndio mwelekeo mkubwa; ni uhalisi ambao Mungu bila shaka atautimiza.

Kwa sasa watu wengi katika ulimwengu wote wa kidini hutaka sana na kutafuta kuonekana kwa Mungu, lakini kwa sababu hawasisitizi kutafuta kile ambacho Roho husema kwa makanisa, huwa hawasikii sauti ya Mungu na hawapokei kwa furaha kurudi kwa Mungu. Tumechukua vipengele vya ukweli wa maono yaliyoonyeshwa na Mwenyezi Mungu katika kazi Yake ya siku za mwisho na kuvikusanya na kuvihariri kuwa vipengele ishirini vya ukweli vya kueneza injili na kuwa na ushuhuda kwa Mungu ili watu katika nchi na sehemu zote wanaotafuta ukweli na kuonea kiu kuonekana kwa Mungu waweze kusoma na kuchunguza kazi ya siku za mwisho ya Mwenyezi Mungu, kusikia sauti ya Mungu na kuletwa katika uwepo Wake. Tumepanga maneno ya Mungu na mahubiri na ushirika kulingana na dhana za kawaida za kidini za watafutaji, ili kuwasaidia kuona kwa dhahiri upuuzi na kukosa mantiki kwa dhana za kidini kwa kuzingatia mwanga wa ukweli kutoka kwa neno la Mungu. Kwa hiyo watu wanaweza kuziacha dhana za kidini ambazo zimewafunga na kuwazuia, na kukubali wokovu wa Mungu katika siku za mwisho na kuletwa mbele ya kiti cha enzi cha Mungu, na wanaweza kufuata nyayo za Mwana Kondoo na kuingia katika enzi mpya.

Inayofuata:Bwana Yesu Mwenyewe alitabiri ya kwamba Mungu angepata mwili katika siku za mwisho na kuonekana kama Mwana wa Adamu ili kufanya kazi

Maudhui Yanayohusiana

  • Tambua tofauti kati ya Kristo mwenye mwili na Makristo wa uongo na manabii wa uongo

    Mungu aliyepata mwili Anaitwa Kristo, na hivyo Kristo ambaye Anaweza kuwapa binadamu ukweli anaitwa Mungu. Hakuna kitu kikuu kuliko hiki, kwa kuwa Anayo hali ya Mungu, na ana tabia za Mungu, na hekima katika kazi Yake, ambayo haiwezi kupatikana kwa binadamu. Wale wanaojiita Kristo, walakini hawawezi kufanya kazi ya Mungu, ni matapeli. Kristo sio tu udhihirisho wa Mungu duniani, bali pia, mwili hasa ulioigwa na Mungu kufanya na kutimiza kazi Yake kati ya wanadamu. Mwili huu si ule unaoweza kubadilishwa na mtu yeyote tu, lakini ambao unaweza kutosha kufanya kazi ya Mungu duniani, na kueleza tabia ya Mungu, na pia kumwakilisha Mungu, na kumpa binadamu maisha. Hivi karibuni au baadaye, wale wanaojifanya kuwa Kristo wataanguka wote, ingawa wanadai kuwa Kristo, hawana chochote cha hali ya Kristo. Na hivyo Mimi nasema kwamba hali halisi ya Kristo haiwezi kuelezwa na mwanadamu, bali inajibiwa na kuamuliwa na Mungu Mwenyewe.

  • Ni ushuhuda wa kweli wa imani katika Mungu kama mtu hufurahia neema ya Mungu tu?

    Kama wewe hufurahia tu neema ya Mungu, na maisha ya familia yenye amani au baraka yakinifu, basi hujampata Mungu, na imani yako kwa Mungu haijafaulu. Mungu tayari ametekeleza hatua moja ya kazi ya neema katika mwili, na tayari amempa mwanadamu baraka yakinifu—lakini mwanadamu hawezi kufanywa mkamilifu na neema, upendo, na rehema pekee. Katika uzoefu wa mwanadamu yeye hukabiliwa na baadhi ya upendo wa Mungu, na huuona upendo na rehema ya Mungu, lakini baada ya kupitia kwa kipindi fulani cha wakati, yeye huona kwamba neema ya Mungu na upendo na rehema Yake hayawezi kumfanya mwanadamu awe mkamilifu, na hayana uwezo wa kufichua kile ambacho ni potovu ndani ya mwanadamu, wala hayawezi kumwondolea mwanadamu tabia yake potovu, au kufanya kuwa kamilifu upendo na imani yake. Kazi ya Mungu ya neema ilikuwa kazi ya kipindi kimoja, na mwanadamu hawezi kutegemea kufurahia neema ya Mungu ili kumjua Mungu.

  • Kuna tofauti ipi kati ya mtumishi mwema na mtumishi muovu?

    Maneno Husika ya Mungu: Kazi ya mtenda kazi mwenye sifa inaweza kuwaleta watu katika njia sahihi na kuwaruhusu kuzama kwa kina katika ukweli. Kazi ana…

  • Ukweli ulioonyeshwa na Mungu katika siku za mwisho ndio njia ya uzima wa milele

    Mungu Mwenyewe ni maisha, na kweli, na uzima Wake na ukweli hutawala. Wale ambao hawana uwezo wa kupata ukweli kamwe hawatapata uzima. Bila mwongozo, msaada, na utoaji wa kweli, nanyi tu mtapata barua, mafundisho, na zaidi sana, kifo. Maisha ya Mungu ni ya milele, na ukweli wake na maisha hupatana. Kama huwezi kupata chanzo cha ukweli, basi huwezi kupata lishe ya maisha; kama huwezi kupata starehe ya maisha, basi utakuwa hakika huna ukweli, na hivyo mbali na mawazo na dhana, ukamilifu wa mwili wako hautakuwa chochote ila mwili, mwili wako unaonuka. Ujue kwamba maneno ya vitabu hayahesabiki kama maisha, kumbukumbu za historia haziwezi kupokelewa kama ukweli, na mafundisho ya siku za nyuma hayawezi kutumika kama sababu ya maneno ya sasa anayosema Mungu. Kinachoonyeshwa tu na Mungu anapokuja duniani na kuishi miongoni mwa binadamu ni ukweli, maisha, mapenzi ya Mungu, na njia Yake ya sasa ya kufanya kazi.