Programu ya Kanisa la Mwenyezi Mungu

Sikiliza sauti ya Mungu na ukaribishe kurudi kwa Bwana Yesu!

Tunawakaribisha wote wanaotafuta ukweli wawasiliane nasi.

Ushuhuda wa Uzoefu Mbele ya Kiti cha Hukumu cha Kristo

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

4. Ninapata njia ya kumjua Mungu

Xiaocao Mji wa Changzhi, Mkoa wa Shanxi

Siku moja, niliona kifungu hiki kifuatacho cha neno la Mungu kwa maandishi “Namna Petro Alivyopata Kumjua Yesu”: “Katika kipindi kile alichomfuata Yesu, Petro alitazama na kutia moyoni kila kitu kuhusu maisha Yake: Matendo Yake, maneno Yake, mwendo Wake na maonyesho Yake. … Tangu wakati huo akiwa na Yesu, Petro alitambua pia kwamba hulka Yake ilikuwa tofauti na ile ya binadamu wa kawaida. Siku zote alikuwa na mwenendo dhabiti na hakuwahi kuwa na haraka, hakupigia chuku wala kupuuza chochote, na aliyaishi maisha Yake kwa njia iliyokuwa ya kawaida na ya kuvutia. Katika mazungumzo, Yesu alikuwa mwenye madaha na uzuri, mwenye uwazi na mchangamfu ilhali pia mtulivu, na Hakuwahi kupoteza heshima Yake katika utekelezaji wa kazi Yake. Petro aliona kwamba Yesu wakati mwingine alikuwa mnyamavu, ilhali nyakati nyingine alizungumza kwa mfululizo. Wakati mwingine Alikuwa na furaha sana kiasi cha kwamba aligeuka na kuwa mwepesi na mchangamfu kama njiwa, na ilhali nyakati nyingine Alihuzunika sana kiasi cha kwamba hakuzungumza kamwe, ni kana kwamba alikuwa mama aliyeathirika na hali ya hewa. Nyakati nyingine Alijawa na hasira, kama askari jasiri anayefyatuka kuwaua adui, na wakati mwingine hata kama simba anayenguruma. Nyakati nyingine Alicheka; nyakati nyingine aliomba na kulia. Haijalishi ni vipi Yesu alivyotenda, Petro alizidi kuwa na upendo na heshima isiyokuwa na mipaka Kwake. Kicheko cha Yesu kilimjaza kwa furaha, huzuni Yake ikamtia simanzi, hasira Yake ikamtetemesha, huku huruma Zake, msamaha na ukali vyote vikamfanya kuja kumpenda Yesu kwa kweli, na akaweza kumcha na kumtamani kwa kweli. Bila shaka, Petro alikuja kutambua haya yote kwa utaratibu baada ya kuishi kando yake Yesu kwa miaka michache” (Neno Laonekana katika Mwili). Baada ya kusoma kifungu hiki nilifikiri: Haishangazi kwamba Petro angeweza kufikia ujuzi wa Mungu! Yaonekana kuwa ilikuwa kwa sababu wakati aliishi pamoja na Yesu usiku na mchana, yeye binafsi alishuhudia kila neno na kila tendo la Yesu, na kutoka kwa hayo akagundua zaidi kuhusu kupendeza kwa Mungu. Sasa pia ni enzi ya wakati Mungu anakuwa mwili ili yeye mwenyewe ashuke katika ulimwengu wa mwanadamu kufanya kazi. Kama mimi pia ningekuwa na bahati ya kuweza kukutana na Mungu na kuwa na muda pamoja naye kama Petro alivyokuwa, basi si mimi pia ningemjua Mungu vizuri zaidi? Oo! Inasikitisha kwamba sasa ninaweza kusoma tu neno la Mungu lakini siwezi kuuona uso wa Kristo. Basi ningewezaje kupata ujuzi wa kweli kumhusu Mungu?

Wakati tu nilipokuwa na huzuni na kusikitishwa juu ya hili, maneno ya Mungu yalinipa nuru: “Kumjua Mungu kunapaswa kufanywa kupitia kwa kusoma na kulielewa neno la Mungu, kutenda na kupitia neno la Mungu. Wengine husema: "Sijamwona Mungu mwenye mwili, hivyo ningewezaje kumjua Mungu?" Kwa kweli, neno la Mungu ni maonyesho ya tabia ya Mungu. Kutoka kwa neno la Mungu unaweza kuuona upendo na wokovu wa Mungu kwa wanadamu, na mbinu Yake ya kuwaokoa. ... kwa sababu neno la Mungu linaonyeshwa na Mungu Mwenyewe ikilinganishwa na kumtumia mwanadamu kuliandika. Linaonyeshwa na Mungu binafsi. Anaeleza maneno Yake mwenyewe na sauti Yake ya ndani. … Akionyesha tabia Yake, mapenzi Yake, mawazo Yake, upendo Wake kwa wanadamu, wokovu Wake wa wanadamu, na matarajio Yake ya wanadamu.… Wakati mwingine Mungu huzungumza kwa mtazamo mpole na wenye huruma, na watu wanauona upendo wa Mungu kwa wanadamu; wakati mwingine Yeye huzungumza kwa mtazamo mkali, na watu wanaona tabia ya Mungu ambayo haitavumilia kosa lolote. Mwanadamu ni mchafu kwa njia ya kusikitisha na hastahili kuuona uso wa Mungu au kuja mbele za Mungu. Kuwa watu wanaweza sasa kuja mbele za Mungu ni neema ya Mungu tu. Hekima ya Mungu inaweza kuonekana kutokana na jinsi Yeye anavyofanya kazi na maana ya kazi Yake. Watu bado wanaweza kuona mambo haya katika neno la Mungu hata bila kuwasiliana na Yeye moja kwa moja” (“Ufahamu wa Kupata Mwili” katika Kumbukumbu za Maongezi ya Kristo). Maneno ya Mungu kwa ghafla yalinifanya kuona mwanga. Ndiyo! Mungu katika mwili wa siku za mwisho tayari Ametumia neno Lake kuonyesha tabia Yake kwa mtu, Akimruhusu mtu kuona nguvu Zake kuu kwa njia ya neno la Mungu, mamlaka Yake ya juu kabisa, unyenyekevu Wake na kujificha kwake, na kupendeza Kwake, na zaidi ya hayo kuelewa furaha Yake na huzuni, na kujua chote Anacho Yeye na alicho. Hii inatosha kuonyesha kwamba kusoma neno la Mungu na kupitia neno la Mungu ndiyo njia ya pekee ya kumjua Mungu. Nikiliondokea neno la Mungu, halafu nini hata nikimwona Mungu katika mwili? Si Mafarisayo pia walimuona Yesu wakati huo wa nyuma? Kwa hivyo mbona walimtundika Yesu msalabani? Si ni kwa sababu hawakusikiliza maneno ya Yesu, walijigamba na kwa ukaidi wakashikilia dhana zao wenyewe na mawazo yao, na kumpinga na kumshutumu Bwana Yesu kwa msingi wa maandiko kidogo waliyoyaelewa? Kwa upande mwingine, Petro aliweza kumjua Yesu kwa sababu angeachilia mawazo na dhana zake mwenyewe, kusikiliza kwa makini maneno ya Bwana Yesu, na alikuwa mzuri kwa kutafakari kwa uangalifu kila neno na sentensi zilizotamkwa na Yesu. Kwa njia ya matamshi na kazi ya Bwana Yesu alipata kujua tabia ya Mungu na chote Anacho Yeye na alicho, hatimaye akipata maarifa ya kweli ya Mungu. Si ukweli huu dhabiti unaeleza kwa utoshelevu kwamba mtu anaweza tu kumjua Mungu kupitia kwa neno Lake? Zaidi ya hayo, kutokana na kwamba kazi kuu ya Mungu katika mwili wa siku za mwisho ni kazi ya neno, si hili linanifaidi kwa kupata kumjua Mungu?

Jinsi nilivyofikiria nyuma kwa mawazo yangu ya mantiki zaidi ndivyo nilivyohisi unyonge wangu mwenyewe zaidi, ujinga, na utoto. Kila siku nilishikilia neno la Mungu mikononi mwangu, nikala na kunywa neno la Mungu, kusoma neno la Mungu, na kuwa na uzoefu wa neno ya Mungu, lakini sikulipenda neno la Mungu kwa dhati, nikifikiri kwamba ningemjua Mungu tu kwa kuona uso wa Kristo. Kwa kweli nilikuwa ninaishi maisha ya heri bila kuyafurahia! Ee Mungu! Asante kwa kufichua na kugeuza njia yangu mbaya ya kujua na kunifanya kuona njia ya kumjua Mungu. Kuanzia sasa kuendelea, nitatamani kusoma neno Lako, kutafakari neno Lako, kutafuta kuelewa furaha na huzuni Zako kwa njia ya neno Lako, na kwa kutambua zaidi kupendeza kwako nipate kukujua Wewe hata zaidi.

Iliyotangulia:Ni Nani Anayejua Moyo wa Kutunza wa Mungu

Inayofuata:Maneno ya Mungu Yaliondoa Dhana Zangu

Maudhui Yanayohusiana

  • Huduma ya Aina Hii Kwa Hakika Ni Ya Kudharauliwa

    Maneno ya Mungu tena yalinileta kwa ufahamu wa jinsi huduma yangu kwa Mungu kwa kweli ilikuwa ni kujishuhudia mwenyewe na kujiinua na yalinisaidia kuona matokeo mabaya ya tabia hii. Maneno ya Mungu yalinisaidia kuona kwamba asili yangu, kama ile ya malaika mkuu, ingeweza kuniongoza kuwa gaidi dhalimu, na kwamba ningeweza kusababisha maangamizi makubwa. Nilifikiria kuhusu jinsi huduma yangu kwa Mungu haikutimizwa kulingana na kanuni sahihi za huduma; haikuwa ikimwinua Mungu na kumshuhudia Mungu, si kufanya wajibu wangu. Badala yake, siku zangu zilitumiwa kujionyeshwa mwenyewe, kujishuhudia mwenyewe, kuwavuta ndugu zangu wa kiume na wa kike mbele yangu. Je, si aina hii ya huduma ni ya kudharauliwa?

  • Sababu ya Kweli ya Kazi Isiyofaa

    Xinyi Mji wa Xi’an, Mkoa wa Shaanxi Katika ziara zangu za karibuni kwa makanisa, mara nyingi niliwasikia viongozi na wafanyakazi wakisema kwamba watu …

  • Kutupa mbali Minyororo ya Shetani

    Kabla ya kumwamini Mungu, bila kujali chochote nilichokuwa nikifanya, sikuwahi kutaka kubaki nyuma. Nilikuwa tayari kukubali shida yoyote ili mradi ingemaanisha ningeinuka juu ya kila mtu mwingine zaidi. Baada ya kumkubali Mungu, mtazamo wangu uliendelea kuwa sawa, kwa sababu niliamini kikamilifu msemo, “Ni kwa kupitia ugumu wa hali ya juu zaidi tu ndipo mtu anaweza kuushinda ukawaida,” na kuona mtazamo wangu kama ushahidi wa msukumo wangu. Wakati Mungu alinifichulia ukweli, hatimaye niligundua kuwa nilikuwa nikiishi chini ya pingu za Shetani, nikiishi chini ya miliki yake.

  • Kanuni Zangu za Maisha Ziliniacha Nikiwa Nimeharibika

    Maneno ya kawaida “Wote huwekelea mizigo kwa farasi anayekubali” ni ambayo mimi binafsi ninayafahamu sana. Mimi na mume wangu sote tulikuwa hasa watu wasio na hatia: Wakati wa masuala yaliyohusisha faida au hasara yetu binafsi, hatukuwa aina ya watu wa kubishana na kusumbuana na wengine. Pale ambapo tuliweza kuwa wavumilivu tulikuwa wavumilivu, pale ambapo tungeweza kuwa na fadhila tulifanya tulivyoweza kuwa na fadhila. Kama matokeo yake, mara nyingi tulijipata tukiwa tumedanganywa na kudhulumiwa na wengine.